Тоҷикӣ
Русский
English
Санаи 25 сентябри соли 2025 дар толори Шурои олимони Институти иқтисодиёт ва демографияи АМИТ мизи мудаввар дар мавзӯи “Тоҷикистон - ҷумҳурии дуюми амнтарин дар ҷаҳон” баргузор гардид, ки дар он ходимони илмии шуъбаи тадқиқоти рушд ва ҷойгиркунии қувваҳои истеҳсолкунанда, х.п.и., н.и.и., дотсент Абдуалимов Б.А. дар мавзӯи «Баъзе омилҳои таъмини амнияти дохилӣ дар Тоҷикистон» ва х.к.и. Абдухаликов У.А. дар мавзӯи «Омилҳои илмии бехатарии миллии Тоҷикистон» баромад намуданд. Маърӯзачиён оиди моҳият ва аҳамияти амният дар таъмини рушди устувори иқтисоди миллӣ ва баланд бардоштани сатҳи некӯаҳволии аҳолии кишвар сухан ронданд. Дар рафти чорабинии мазкур, инчунин, ходимони илмии Институт: Мирсаидов А.Б., Хоналиев Н., Шарифзода Б.М., Махкамов Б.Б., Холбобоев Ф.С., Обидов К. ва дигарон фикру андешаҳои худро иброз намуданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
