Тоҷикӣ
Русский
English
Санаи 28 марти соли 2024 дар толори Шурои олимони Институти иқтисодиёт ва демографияи Академияи миллии илмҳои Тоҷикистон мизи мудаввари илмӣ-амалӣ дар мавзўи «Рушди бозори меҳнат дар Ҷумҳурии Тоҷикистон ва нақши дотсент Р.М.Бабаджанов дар таҳқиқи он» баргузор гардид.
Дар кори мизи мудаввар ходимони илмии Институт, даъватшудагон аз Донишгоҳи миллии Тоҷикистон, Донишгоҳи Тоҷикистону Россия (Славянӣ), Донишгоҳи Технологии Тоҷикистон, Донишгоҳи молия ва иқтисоди Тоҷикистон, Институти меҳнат, муҳоҷират ва шуғли аҳолии Тоҷикистон ва дигарон иштирок карданд.
Чорабинии мазкурро директори Институти иқтисодиёт ва демографияи АМИТ, д.и.и., профессор Шариф Раҳимзода бо сухани ифтитоҳӣ кушода, оид ба саҳми номзади илмҳои иқтисодӣ, дотсент Бабаджанов Рустам Мирзоевич дар рушди бозори меҳнат, тарбия намудани кадрҳои баландихтисос дар соҳаи назарияи иқтисодӣ, иқтисодиёти бахши ҷамъиятӣ ва хизмат, ҳамзамон, барои меҳнати сермаҳсул дар соҳаи тадқиқоти масоили иқтисодиёти иҷтимоӣ ва иқтисодиёти институтсионалӣ қайд намуданд.
Сипас, тибқи барномаи мизи мудаввар узви вобастаи АМИТ, д.и.и., профессор Саидмуродзода Л.Ҳ., д.и.и., профессор Мирсаидов А.Б., д.и.и., профессор Умаров Ҳ.У., д.и.и., профессор Тошматов М.Н., н.и.и. Алимов А.Л., н.и.и. Холбобоев Ф.С. ва хоҳари марҳум Бабаджанов Р.М. устоди Донишгоҳи Россия-Тоҷикистон (Славянӣ) Бабаджанова М.М. оид ба хизматҳои бисёрсолаи номзади илмҳои иқтисодӣ, дотсент Бабаджанов Рустам Мирзоевич дар соҳаи иқтисодиёти кишвар, иҷрои корҳои илмӣ-таҳқиқотӣ, омода намудани китобҳо ва дастурҳои таълимию методӣ, иштирок дар корҳои ҷамъиятию сиёсии кишвар ва ба камол расонидани мутахассисони баландихтисос баромад намуданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
