Тоҷикӣ
Русский
English
Санаи 28 майи соли 2025 дар Академияи идоракунии давлатии назди Президенти Ҷумҳурии Тоҷикистон курси такмили ихтисос барои раисони вилоятҳо ва шаҳру ноҳияҳои ҷумҳурӣ аз рӯи барномаи «Идоракунии давлатӣ дар замони муосир» ба анҷом расид.
Курси мазкур бо ташаббуси Агентии хизмати давлатӣ ва Академияи идоракунии давлатӣ бо мақсади баланд бардоштани савияи дониш, малака ва салоҳияти касбии роҳбарони аввали мақомоти иҷроияи маҳаллии ҳокимияти давлатӣ баргузор карда шуд.
Дар рафти курс ба шунавандагон дар доираи мавзуъҳои муҳими марбут ба идоракунии муосир, роҳбарӣ, сиёсати кадрӣ, таъмини рушди устувори иқтисодию иҷтимоӣ ва дигар масъалаҳои мубрам аз ҷониби устодон ва мутахассисони ботаҷрибаи соҳаҳо таълим дода шуда, дар ҷамъбасти курси мазкур ба шунавандагон «Гувоҳнома» супурда шуд.
Қайд намудан ба маврид аст, ки дар курси мазкур инчунин, сарходими илмии шуъбаи моделсозӣ ва дурнамогирии равандҳои иљтимоӣ-иқтисодии Институти иқтисодиёт ва демографияи АМИТ, д.и.и., профессор Шариф Раҳимзода иштирок ва дар мавзӯи «Иқтисоди миллӣ, технологияи рақамӣ ва рақамикунонӣ» лексия-мубоҳиса гузарониданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
