Тоҷикӣ
Русский
English
Санаи 28-уми ноябри соли 2025 дар Институти иқтисодиёт ва демографияи Академияи миллии илмҳои Тоҷикистон дар доираи «Нақшаи баргузории чорабиниҳои илмӣ ва илмию техникӣ дар Академияи миллии илмҳои Тоҷикистон барои соли 2025», ки бо қарори Раёсати Академияи миллии илмҳои Тоҷикистон аз 30 декабри соли 2024, №101 тасдиқ гардидааст, конференсияи ҷумҳуриявии илмӣ-амалӣ дар мавзӯи «Марҳилаҳои асосии таърихи афкори иқтисодии халқи тоҷик ва вазифаҳои илми муосири иқтисодӣ» баргузор гардид.
Дар оғози кори конференсия директори Институти иқтисодиёт ва демографияи АМИТ, доктори илмҳои иқтисодӣ Бобозода Комил Олимҷон бо сухани ифтитоҳӣ баромад намуданд. Дар кори ҳамоиши мазкур Ёрдамчии Президенти Ҷумҳурии Тоҷикистон оид ба масъалаҳои иқтисодӣ – Ҳикматуллозода Неъматулло низ, иштирок ва бо сухани ифтитоҳӣ баромад намуданд.
Ҳамзамон, дар кори конференсия муовини аввали вазири маориф ва илми Ҷумҳурии Тоҷикистон Ҳошимзода Ҳомид Ҳасан, сардори Муассисаи давлатии «Пажуҳишгоҳи илмию тадқиқотии молия»-и Вазорати молияи Ҷумҳурии Тоҷикистон Давлатзода Умед, намояндагони вазорату идораҳо, донишгоҳҳою муассисаҳои илмӣ ва дигар шахсони даъватшуда тибқи Барномаи конференсия иштирок ва суханронӣ намуданд.
Дар кори конференсияи мазкур муҳокимаи масъалаҳои - Пешвои миллат ва рушди иқтисоди миллӣ; масъалаҳои актуалии рушди илми иқтисоди ватанӣ; илми иқтисодӣ дар давраи трансформатсияи рақамӣ; Консепсияи иқтисоди сабз ва проблемаҳои муосири Ҷумҳурии Тоҷикистон; илми иқтисодӣ дар шароити ҷаҳонишавии иқтисоди ҷаҳон; таърихи афкори иқтисодии халқи тоҷик; илми иқтисодии академӣ, соҳавӣ ва донишгоҳӣ: дастовардҳо ва дурнамо ва ғайра ба нақша гирифта шудааст.
Қайд намудан маврид аст, ки дар чорабинии мазкур ба таври маҷозӣ Донишгоҳи давлатии Данғара, Донишгоҳи давлатии Хуҷанд ба номи Бобоҷон Ғафуров ва Донишгоҳи давлатии Хоруғ иштироки фаъолона намуданд.
Адиб, олим ва асосгузори адабиёти муосири тоҷик. Аввалин Президенти Академияи илмҳои Ҷумҳурии Тоҷикистон. Муаллифи асарҳои «Таърихи амирони манғитияи Бухоро», «Таърихи инқилоби фикрӣ дар Бухоро», «Намунаи адабиёти тоҷик», «Дохунда», «Ғуломон», «Ёддоштҳо» ва дигар асарҳо, ки ба 29 забони хориҷӣ нашр шудаанд.
Олим, академики Академияи Илмҳои ИҶШС, арбоби ҳизбӣ ва давлатӣ, муаллифи китоби оламшумули «Тоҷикон» ва зиёда аз 300 асару мақолаҳо.
Шоири халқӣ, раиси Иттифоқи нависандагони Тоҷикистон, Қаҳрамони меҳнати сотсиалистӣ, Раиси Кумитаи якдилии халқҳои Осиё ва Африқо. Барои достонҳои «Қиссаи Ҳиндустон»(1948), «Ҳасани аробакаш», «Чароғи абадӣ», «Садои Осиё»,(1960) «Ҷони ширин» (1963) бо ҷоизаҳои давлатии ИҶШС, ҶШС Тоҷикистон ва байналмилалии ба номи Ҷ. Неҳру (1967) сарфароз шуда буд.
Президенти Ҷумҳурии Тоҷикистон. 19 ноябри соли 1992 дар иҷлосияи XVI Шўрои Олии Ҷумҳурии Тоҷикистон раиси Шўрои Олии Ҷумҳурии Тоҷикистон, 6 ноябри соли 1994 бори аввал, солҳои 1999, 2006 ва 2013 Президенти Ҷумҳурии Тоҷикистон интихоб гардидаст.
Нусратулло Махсум (Лутфуллоев) ходими давлатӣ ва ҳизбӣ. Солҳои 1924-1926 раиси Кумитаи инқилобии ҶМШС Тоҷикистон, солҳои 1926-1933 раиси Кумитаи Иҷроияи Марказии ҶШС Тоҷикистон.
Ходими давлатӣ ва ҳизбӣ. Солҳои 1929-1931 котиби Ҳизби коммунистии ҶШС Тоҷикистон, солҳои 1933-1937 Раиси Кумитаи Иҷроияи Марказии ҶШС Тоҷикистон.
